Transcription
1
Monseigneur, il neschet aulcune responce sur votre lettre du XVIme qui ma esté
2
rendue à mon retrait des champs où jay esté sept ou huict jours, sinon en ce quil
3
vous a pleu me mander denvoyer ce qui est deu à monsieur le visenechal Chartier.
4
Jay prié monsieur Froment, present porteur, dy pourveoir. Je luy ay baillé voz recipicés
5
des parties qui ont esté employées en choses secrettes pour lesquelles il vous
6
plairra luy expedier à son acquet voz ordonnances afin quil en compte ce
7
qui sera pour le meilleur, ou bien au mien si pour le mieulx vous le trouvés.
8
Il me reste encores à luy fournir de tous les acquectz que javois de la depense
9
qui sest faicte pour la guerre, outre ce qui a esté ordonné par messieurs du
10
pays dont je leur compteray les roolles des monstres de deux mois
11pour les chevaulx legers de Savoye, dont il ne sest volu charger, sur ce quil [barré : ne ] dict
12quil ne les pourra faire reffourmer à son [barré : acq ] nom, et aussi une votre ordonnance
13
de la somme de III m[ille] L. fournie au sieur Vercorre pour lemployer au payement des
14
compagnies de monsieur de Glandage et du cappitaine La Colombière, dont
15aussi il ne sest volu charger pour les [barré : risque ] difficultés quil vous pourra
16
dire ; si est ce quil seroit à propos quil le fist pour esclarcir et fault
17
mieulx paroistre nos despenses et à ce que plus aysement, et avec moings de
18
difficulté, elle soit authorisée. Pour ces raisons, il vous plairra le luy commander
19
et nous voloir aider de votre auctorité et faveur à toutes les resformations.
20
Jay fourny audit Froment ce qui est necessaire pour les compagnies durant ce
21
mois.
22Monseigneur, je presente mes très humbles recommandations à votre bonne grace [barré : je prier ] et prie
23
Dieu vous donner en très bonne santé contente vie. A Grenoble, ce XXX janvier 1574.
24
Votre très humble et très obeissant serviteur
25
Lyonne
26[(effacé) re] quavant la reception de la [barré : pe ] presente,
27
[(effacé) rés] eu advis de la mort du procureur
28
[(effacé) on] dont vous maviés chargé vous advertir